දැයෙන් සමු ගත් ප්‍රවීණ රංගන ශිල්පිනි ලියෝනි කොතලාවල…

ප්‍රවීණ ගුවන්විදුලි, රූපවාහිනි, නාට්‍ය සහ චිත්‍රපට රංගන ශිල්පිනි ලියෝනි කොතලාවල මහත්මිය අද ජීවන රඟමඩලෙන් සමු ගත් අතර ඇය මිය යන විට වයස අවුරුදු 74 ක් වූ වූවාය. එමෙන් ම මෑතක් වන තුරුම රංගනයෙන් ටෙලි නිර්මාණවලට දායක වූ ශිල්පිනියකි.

එකල ප්‍රවීණ අධ්‍යක්ෂවරයකු වූ ජී. ඩී. එල්. පෙරේරා අධ්‍යක්ෂණය කළ ‘‘සාමා’’ වේදිකා නාට්‍ය ට 1962 වසරේ සිය ප්‍රථම රංගය දෙමින් රඟපෑමට පිවිසි ඇය පසුව ‘’සාමා’’ චිත්‍රපටයට ද රංගනයෙන් එක් වූවාය.

වජිරා, චණ්ඩාලි, පිපෙන කුමුදු, මුවන් පැලැස්ස වැනි කලා නිර්මාණ රැසක රංගනයෙන් දස්කම් පෙන්නූ ඇය ප්‍රවීණ ගුවන්විදුලි හඬකැවීමේ ශිල්පිනියක් ද වූ අතර මුවන්පැලැස්ස ගුවන්විදුලි නාට්‍යයෙන් අතිශය ජනප්‍රියත්වයට පත් වෙමින් පසුව ටෙලි යුගයේ තාරාදේවී, චරිත තුනක්, චාරුලතා, හිරුට මුවාවෙන්, නෑදෑයෝ වැනි අතිශය ජනප්‍රිය වූ ටෙලිනාට්‍ය රැසකට ද මෑතක් වන තුරුම දායක වූ ශිල්පිනියක් ද වේ.

ඇයටම ආව්ණික වූ භාවමය හැකියාවක් තිබුණු අනන්‍යතාව තහවුරු කළ නිළියක් වීම ද ඇය කෙරෙන් සුවිශේෂ වේ.

About Author

Leave A Reply

Send this to a friend