සාම්පල් 125න් 55ක් පරික්ෂණ අවසන් ඉන් එකකවත් “ඇෆලටොක්සීන්” නෑ

පාරිභෝගික අධිකාරිය සමස්ත දිවයිනම අවරණය වන පරිදි වෙළෙඳපොළෙන් පොල් තෙල් සාම්පල 125ක් ලබාගත් බව එහි ප්‍රකාශකයෙකු “අද දෙරණ“ට සඳහන් කළේය.

ප්‍රසිද්ධ වෙළෙඳ නාම ඇතුළත් පොල් තෙල් සාම්පලද ඊට අයත්ය.

එම සියලුම සාම්පල පරීක්ෂා කිරීම සඳහා පේරාදෙණිය විශ්වවිද්‍යාලයට හා පොල් සංවර්ධන මණ්ඩලයට ලබාදී තිබේ.

එලෙස පොල් සංවර්ධන අධිකාරිය විසින් පරීක්ෂා කළ සාම්පල 55කම “ඇෆලටොක්සීන්“ නමැති ප්‍රබල පිළිකා කාරකය ඇතුළත් නොවන බවට තහවුරු වී ඇතැයි එම අධිකාරියේ අධ්‍යක්ෂ ජනරාල්වරයා පැවසීය.

මේ පිළිබඳ අදහස් දැක්වු පොල් සංවර්ධන අධිකාරියේ, අධ්‍යක්ෂ ජනරාල් දශිත නිරෝෂණ මහතා,

“සාම්පල 55ක පරීක්ෂණ කටයුතු අවසන් කරලා තියෙනවා. අපිට පෙනී යන විශේෂ ගැටලුවක්, එහෙම නැත්නම් ඇෆලටොක්සීන් අඩංගු තත්ත්වයක් ගැන විශේෂිත බියක් ඇති කර ගැනීමට අවශ්‍ය නොවන තත්ත්වයට අපේ වෙළෙඳපොළේ පොල් තෙල් තත්ත්වය තවමත් පවතින බව අපට පරීක්ෂණවල දී පෙනී ගියා.“

මේ අතර මාතර වැලිගම සමූපකාර සමිත් වෙළෙඳසැලක තිබී පසුගිය වසරේ ජූලි මාසයේදී සොයාගත් පිළිකා කාරක ඇතුළත් කල් ඉකුත් වූ පරිප්පු තොගයක් අද විනාශ කෙරුණි.

පරිප්පු කිලෝ ග්‍රෑම් 3000ට අධික ප්‍රමාණයක් මෙලෙස විනාශ කෙරුණේ වැලිගම කසළ ප්‍රතිචක්ක්‍රීකරණ මධ්‍යස්ථානයේදීය.

 56 total views,  4 views today

0 0 votes
Article Rating
Subscribe
Notify of
guest
0 Comments
Inline Feedbacks
View all comments